唔……一向也覺得，「有車」不只是「有一架車」。很久之前也說過，車其實是一個「公共空間私人化轉換器」。
有了車，整個香港、整條馬路也是你的。
你可以在馬路上睡、哭、聽歌、吃……，就是不用在馬路上走。
今天，也有從另一角度看到有車的好處：
林超榮 2011.08.25 明報
「我不喜歡駕車，如果，我發了達，第一件事，係賣了架車，日日坐的士。
不過，我又放不下，一夜之間，失去了擁有一部車的姿勢。
什麼是擁有一部車的姿勢？
就係你去夜街，一班人從夜店出來，有男有女，男的話﹕「夜啦，我送你返屋企。」於是，他行出馬路，伸手，想截的士，但係，沒有的士停下。
他會搖一搖頭，女的嘆一聲氣。
同樣處境，同一對男女，同一句對白，男的說﹕「夜啦，我送你返屋企。」於是，男的從西裝袋掏出一條車匙，大拇指一按，嘟一聲——由街頭響徹到街尾，街中間有一部車，像一頭獅子般，成隻彈起，醒過來，雙眼一亮。
嘩，多麼的瀟灑，就是有車的姿勢。
有車無車，在真正提供生活方便上，相差不遠。
但是，如果，你有一部車，下班時候到了，你跟同事說﹕「喂！你車一車我去地鐵站。」同事問﹕「你部車呢？」
「去咗車房維修，唔係都唔使你車啦？」還有一句潛台詞﹕「真係貪你架車大咩！」
大部份同事都會樂意載你一程，因為大家都是有車階級。
相反，你沒有車，加班之後，你跟同事說﹕「喂，車我去地鐵站。」
同事回應係﹕「喂，唔順路喎。」中間潛台詞係﹕「成日黐車坐。」一副長貧難顧的表情。
所以，你明白，男人最難開口的事，不是給女朋友甩了，而是，我賣咗部車。從有車到無車，要從頭捱過，嘗盡世間冷臉，正係由「車」入儉難。
男人下車時，順手大力關門，一手拋車匙給車房仔，這一個手勢就像英雄下馬，下車姿勢，自古有之，下馬威，誰肯放棄。」」
No comments:
Post a Comment